Иису́с же рече́ ему́: прозри́, ве́ра твоя́ спасе́ тя. И а́бие прозре́, и во след Его́ идя́ше, сла́вя Бо́га. Лк., 93 зач.

Кол. 3:12. Облецытеся убо, якоже избраннии Божии святи и возлюбленни, во утробы щедрот, благость, смиренномудрие, кротость и долготерпение.

Свети́лен Предте́чи, подо́бен: «Ду́хом во святи́лищи…»:
Стези́ предугото́вал еси́ чу́дно Го́сподеви:/ глас бо был еси́ Того́ прише́ствия и пропове́дник и́стиннейший,/ проро́ков превы́шший, блаже́нне Иоа́нне:// ты Свет ви́дел еси́, я́ко неизглаго́ланное Его́ сконча́в смотре́ние.

И было в те дни, пришел Иисус из Назарета Галилейского и крестился от Иоанна в Иордане.
И когда выходил из воды, тотчас увидел Иоанн разверзающиеся небеса и Духа, как голубя, сходящего на Него.
И глас был с небес: Ты Сын Мой возлюбленный, в Котором Мое благоволение. Мк., 2 зач., I, 9-11.

Тропа́рь предпра́зднства, глас 4: Возвраща́шеся иногда́ Иорда́н река́ ми́лотию Елиссе́евою,/ возне́сшуся Илии́,/ и разделя́хуся во́ды сю́ду и сю́ду,/ и бысть ему́ сух путь, и́же мо́крый,/ во о́браз вои́стинну Креще́ния,/ и́мже мы теку́щее жития́ прехо́дим ше́ствие:// Христо́с яви́ся во Иорда́не освяти́ти во́ды.

Свети́лен пра́здника: Пло́тию обре́зуется зако́н испо́лнивый, я́ко Младе́нец осмодне́вен, веко́в Зижди́тель,/ и пелена́ми повива́ется, я́ко Челове́к, и млеко́м пита́ется,/ И́же вся безме́рною кре́постию я́ко Бог содержа́й// и манове́нием возводя́й.

Седа́льны святы́х: Ио́сифа пра́веднаго, Де́вы обру́чника,/ с Дави́дом Иа́кова достодо́лжно воспое́м:/ си́и бо, пра́ведною ходи́вше стезе́ю, достиго́ша Небе́сныя оби́тели,/ досто́йно лику́юще со А́нгелы,// нам про́сят согреше́ний оставле́ние.

Свети́лен пра́здника: Посети́л ны есть свыше Спас наш, Восто́к восто́ков,/ и су́щии во тьме и се́ни обрето́хом и́стину,// и́бо от Де́вы роди́ся Госпо́дь.

Свети́лен предпра́зднства:
Весели́ся, Вифлее́ме, и ты, Евфра́фо гото́вися:/ Богоро́дица бо прихо́дит в верте́пе и я́слех роди́ти Бо́га неизрече́нно./ О, стра́шнаго та́инства!/ Его́же ны́не Боже́ственное Рождество́ Авраа́м, Исаа́к же и Иа́ков,/ патриа́рси вси и проро́цы све́тло предпра́зднуют// и челове́цы со А́нгелы.

Стихи́ры пра́отцев, глас 8, подо́бен: «И́же на Еде́ме…»:
Пра́отцев днесь, ве́рнии, соверша́юще па́мять,/ воспои́м Христа́ Изба́вителя,/ возвели́чившаго их во всех язы́цех/ и чуде́с пресла́вная ве́рно соверши́вшаго Го́спода,/ я́ко держа́вна и си́льна,/ и от них показа́вша жезл си́лы нам –/ Еди́ну Неискусому́жную и Богоотрокови́цу Мари́ю Чи́стую,/ из Нея́же цвет про́йде – Христо́с,/ израсти́вый всем жизнь,// и неиждива́емую пи́щу, и спасе́ние ве́чное.