Иису́съ же ви́дѣвъ Ма́терь и ученика́ стоя́ща, его́же любля́ше, глаго́ла Ма́тери сво­е́й: же́но, се́, сы́нъ тво́й.
Пото́мъ глаго́ла ученику́: се́, Ма́ти твоя́. И от­ того́ часа́ поя́тъ ю́ учени́къ во своя́ си.
Ин.19: 26, 27

Греха́ мглы избежа́вши,/ покая́ния све́том озари́вши твое́ се́рдце, сла́вная,/ пришла́ еси́ ко Христу́,/ Сего́ Всенепоро́чную и святу́ю Ма́терь/ Моли́твенницу ми́лостивную принесла́ еси́./ Отону́дуже и прегреше́ний обрела́ еси́ оставле́ние,// и со А́нгелы при́сно сра́дуешися.
Ин кондак преподобной Марии Египетской, глас 4

О всепетая Мати, рождшая всех святых Святейшее Слово, нынешнее приемши приношение, от всякия избави напасти всех, и будущия изми муки, Тебе вопиющих: Аллилуиа.

Ты ми даждь светоза́рную благода́ть от Боже́ственнаго свы́ше промышле́ния, избежа́ти страсте́й омраче́ния, и пе́ти усе́рдно, твоего́ Мари́е жития́, кра́сная исправле́ния.

Бѣ́ же ча́съ я́ко шесты́й, и тма́ бы́сть по все́й земли́ до часа́ девя́таго:
и поме́рче со́лнце, и завѣ́са церко́вная раздра́ся посредѣ́.
Лк.23: 44, 45

О, ро́де неве́рен, доко́ле в вас бу́ду; доко́ле терплю́ вы?
Мк., зач. 40 (гл. 9, стт. 19)

Архiерéй же растерзáвъ ри́зы своя́, глагóла: чтó ещé трéбуемъ свидѣ́телей?
слы́шасте хулý: чтó вáмъ мни́т­ся? Они́ же вси́ осуди́ша егó бы́ти пови́н­на смéрти.
Мк.14: 64, 65

Кано́н Трио́ди, глас 1: Дре́вле Иа́ков прообразу́я Крест Твой Христе́,/ Ио́сиф покланя́шеся Боже́ственнаго жезла́ кра́еви,/ скиптр сей стра́шный Ца́рствия Твоего́ предви́дев:// ему́же ны́не покланя́емся ве́рно во ве́ки.

Въ пéрвый же дéнь опрѣснóчный при­­ступи́ша ученицы́ ко Иисýсу, глагóлюще емý: гдѣ́ хóщеши уготóваемъ ти́ я́сти пáсху?
Мф.26:17

Пре́лесть попали́л еси́ злосла́вных прему́дре,/ ве́ру изъясни́л еси́ правосла́вных до́бре,/ и мир просвети́л еси́./ Отону́дуже победоно́сный победи́тель показа́лся еси́,/ столп Це́ркве, и́стинный иера́рх,/ моля́ся не преста́й Христу́,// спасти́ся всем нам.
Cедáлен Трио́ди, глaс 4: