Пречи́стый А́гнец слове́сный за мир закла́н быв,/ преста́ви я́же по зако́ну приноси́мая,/ очи́стив сего́ кроме́ прегреше́ний я́ко Бог, при́сно зову́ща:// вся дела́ Госпо́дня, Го́спода по́йте, и превозноси́те во вся ве́ки.
Кано́н Воскре́сный, глас 7:

Чи́стое одея́ние и ски́нию Бо́жия Сло́ва,/ одушевле́нный о́блак и ста́мну ма́нны, Богоро́дицу Мари́ю/ вси, спа́сшиися Рождество́м Ея́, ве́рою ублажи́м/ и честне́й ри́зе прико́снемся,/ е́юже Влады́ку объе́мши, я́ко Отроча́ носи́ла есть, в плоть обо́лкшагося,/ Его́же ра́ди челове́ческое естество́ взя́тся к превысоча́йшей жи́зни и Ца́рствию./ Те́мже с ра́достию вопие́м велегла́сно:// ра́дуйся, Де́во, христиа́н похвало́.

  Всечестны́й апо́столов приспе́ пра́здник Це́ркви Христо́ве,/ хода́тайствующий спасе́ние всем нам./ Та́йно у́бо восплеска́вше, к сим рцем:/ ра́дуйтеся, свети́льницы су́щим во тьме,/ мы́сленнаго Со́лнца зари́ облиста́ющии./ Ра́дуйтеся, Пе́тре и Па́вле,/ уче́ний Боже́ственных основа́ния незы́блема,/ дру́зи Христо́вы, сосу́ди честни́и./ Прииди́те посреди́ нас неви́димо,/ сподобля́юще даро́в невеще́ственных// ваш пра́здник восхваля́ющих пе́сньми.
Хвали́тны псалмы́, глас 4: Слава

Стихира:блгвв. князей, глас 4, подо́бен: «Зва́нный свы́ше…»: Всечестны́й приспе́ пра́здник святы́х чудотво́рцев,/ хода́тайствуя всем спасе́ние,/ в не́мже, та́йно восплеска́вше, к ним си́це рцем:/ ра́дуйтеся, свети́ла те́мным мы́сленнаго Со́лнца;/ ра́дуйся, Пе́тре ку́пно с супру́жницею твое́ю,/ благове́рие храня́ще во Еди́нстве Святы́я Тро́ицы,// Ю́же моли́те спасти́ и просвети́ти ду́ши на́ша.

Подо́бяся днесь Иоа́нну, Иорда́н мо́крыми быстрина́ми игра́ше пресла́вно,/ слы́ша ражда́ема равноа́нгельнаго житие́м от ста́рицы непло́дны,// исправля́ющаго пути́ и стези́ Госпо́дни и мир крести́вшаго.
Тропарь канона Предтечи, глас 4

Богоро́дичен воскре́сного ексапостила́рия:

Пою́ безчи́сленную Твою́ ми́лость, Тво́рче мой,/ я́ко Себе́ истощи́л еси́,/ понести́ и спасти́ челове́ческое естество́ озло́бленное:/ и Бог сый, изво́лил еси́, от чи́стыя Богоотрокови́цы,/ по мне бы́ти, и сни́ти да́же до а́да, хотя́ ми спасти́ся,// моли́твами Ро́ждшия Тя, Влады́ко Всеще́дрый.

Глаго́лю же вам, я́ко мно́зи от восто́к и за́пад прии́дут и возля́гут со Авраа́мом и Исаа́ком и Иа́ковом во Ца́рствии Небе́снем.
Мф., 25 зач., VIII, 11.

Ищи́те же пре́жде Ца́рствия Бо́жия и пра́вды Его́, и сия́ вся приложа́тся вам
Мф., 18 зач., VI, 33

Весели́ся о Го́споде, Русь Правосла́вная,/ ра́дуйся и лику́й, ве́рою све́тло оде́явшися,/ телеса́ подви́жников ве́ры и свиде́телей и́стины/ в не́дрех свои́х иму́щи, я́ко сокро́вище,/ наслади́ся чуде́с, от них истека́ющих,/ и, ви́дящи полк сей святы́й,/ от ви́димых и неви́димых враго́в тя огражда́ющий,/ благода́рно Спа́су возопи́й:// Го́споди, сла́ва Тебе́.
Слава на Го́споди, воззва́х, глас 1:

Конда́к все́х святы́х, глас 8: Я́ко нача́тки естества́, Насади́телю тва́ри,/ вселе́нная прино́сит Ти, Го́споди, богоно́сныя му́ченики,/ тех моли́твами в ми́ре глубо́це/ Це́рковь Твою́, жи́тельство Твое́,// Богоро́дицею соблюди́, Многоми́лостиве.