Помяни́ нас во Твоих моли́твах, Госпоже́ Де́во Богоро́дице,/ да не поги́бнем за умноже́ние грехо́в на́ших./ Покры́й нас от вся́каго зла и лю́тых напа́стей:// на Тя бо упова́ем и, Твоего́ Покро́ва пра́здник че́ствующе, Тя велича́ем. Кано́н пра́здника

В эти дни наш настоятель - отец Виталий, совместно с группой прихожан нашего Храма и других Храмов города Киева, пребывает в паломнической поездке на Святой Горе Афон.

И рече́ к Си́мону Иису́с: не бо́йся, отсе́ле бу́деши челове́ки ловя́. И извле́кше о́ба корабля́ на зе́млю, оста́вльше вся, вслед Его́ идо́ша. Лк., зач.17

"Иже бо а́ще постыди́тся Мене́ и Мои́х слове́с в ро́де сем прелюбоде́йнем и гре́шнем,  и Сын Челове́ческий постыди́тся его́, егда́ прии́дет во сла́ве Отца́ Своего́ со Ангелы святы́ми" Мк., 37 зач., VIII, 38

Свети́лен Креста́, подо́бен: «Ученико́м…»:

Крест – храни́тель всея́ вселе́нныя,/ Крест – красота́ Це́ркве,/ Крест – на́ша держа́ва,/ Крест – ве́рных утвержде́ние,// Крест – А́нгелов сла́ва и де́монов я́зва.

Стихира: Го́споди, ору́жие на диа́вола/ Крест Твой дал еси́ нам:/ трепе́щет бо и трясе́тся, не терпя́ взира́ти на си́лу Его́:/ я́ко ме́ртвыя возставля́ет, и смерть упраздни́./ Сего́ ра́ди покланя́емся// погребе́нию Твоему́ и воста́нию.

Сей день Госпо́день,/ ра́дуйтеся, лю́дие:/ се бо Све́та черто́г/ и кни́га Сло́ва Живо́тнаго/ из утро́бы произы́де,/ и Я́же к восто́ком дверь, ро́ждшися,/ ожида́ет вхо́да Святи́теля вели́каго,/ eди́на и Eди́наго вводя́щи Христа́ во вселе́нную,// во спасе́ние душ на́ших. Стихиры праздника, глас 6, самогла́сны:

И неключи́маго раба́ вве́рзите во тму кроме́шнюю, ту бу́дет плачь и скре́жет зубо́м. Сия́ глаго́ля возгласи́: име́яй у́ши слы́шати да слы́шит. (Мф., зач. 105)

Стихи́ра Предте́чи, глас 6: Пляса́ учени́ца вселука́ваго диа́вола/ и главу́ твою́, Предте́че, мзду взят./ О, пи́ра, испо́лнена крове́й!/ Лу́чше бе не кля́тися, И́роде беззако́нне, лжи вну́че./ А́ще ли же и кля́лся еси́,/ но не о добре́ кля́лся:/ лу́чше бе солга́вшу жизнь получи́ти,/ не́же и́стинствовавшу главу́ Предте́чеву усе́кнути./ Но мы Крести́теля, я́ко в рожде́нных жена́ми бо́льша,// досто́йно чту́ще, ублажа́ем.

Иису́с же рече́ ему́: возлю́биши Го́спода Бо́га твоего́ всем се́рдцем твои́м, и все́ю душе́ю твое́ю, и все́ю мы́слию твое́ю. Сия́ есть пе́рвая и бо́льшая за́поведь. Втора́я же подо́бна ей: возлю́биши и́скренняго твоего́ я́ко сам себе́. В сию́ обою́ за́поведию весь зако́н и проро́цы ви́сят. (Мф., зач. 92)