Стихиры праздника, Глас 8: Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Прииди́те лю́дие,/ триипоста́сному Божеству́ поклони́мся,/ Сы́ну во Отце́, со Святы́м Ду́хом:/ Оте́ц бо безле́тно роди́/ Сы́на соприсносу́щна и сопресто́льна,/ и Дух Святы́й бе во Отце́ с Сы́ном прославля́емь:/ еди́на си́ла, еди́но существо́, еди́но Божество́./ Ему́же покланя́ющеся вси глаго́лем:/ Святы́й Бо́же, вся соде́явый Сы́ном, соде́йством Свята́го Ду́ха./ Святы́й Кре́пкий, И́мже Отца́ позна́хом,/ и Дух Святы́й прии́де в мир:/ Святы́й Безсме́ртный, уте́шительный Ду́ше,/ от Отца́ исходя́й, и в Сы́не почива́яй:// Тро́ице Свята́я, сла́ва Тебе́.

На не́бо доброде́телей возше́д превысо́ких,/ чудотво́рец яви́лся еси́ в Ми́рех, сла́вне:/ те́лом в Ба́ре почива́я,/ ду́хом везде́ ве́рныя посеща́еши/ и вся от бед изыма́еши,/ досто́йно честь прие́мля,/ во святи́телех прославля́ешися,/ Христо́в уго́дниче блаже́нне./ Тя ны́не моле́бно призыва́юще,/ уми́льно глаго́лем:/ помоли́ся, святи́телю Нико́лае, Спа́су всех// умири́ти мир, и спасти́ ду́ши на́ша.
Стихиры святи́теля Никола́я на Господи, воззвах

Стихиры святых отцов, глас 6, подо́бен: «Всю отложи́вше…»: Все собра́вше душе́вное худо́жество,/ и Боже́ственным Ду́хом сразсмотри́вше,/ небе́сный и честны́й Симво́л ве́ры,/ честни́и отцы́ богопи́санне начерта́ша:/ в не́мже я́вственнейше Ро́ждшему собезнача́льнаго Сло́ва науча́ют,/ и всеи́стинно единосу́щнаго,/ апо́стольским после́дующе проявле́нно уче́нием,/ благосла́внии и пребога́тии и́стинно,// и богому́дрии.

Стихи́ры пра́здника, глас 2: Возне́слся еси́ во сла́ве на горе́ Ма́сличней Христе́ Бо́же,/ пред Твои́ми ученики́,/ и сел еси́ одесну́ю Отца́,/ вся́ческая исполня́яй Божество́м,/ и посла́л еси́ им Ду́ха Свята́го,/ просвеща́юща и утвержда́юща,// и освяща́юща ду́ши на́ша.

Свети́лен Трио́ди (о слепо́м): У́мныя мои́ о́чи,/ ослепле́нныя, Го́споди, от мра́чнаго греха́, Ты просвети́,/ вложи́в, Ще́дре, смире́ние,// и покая́ния омы́й слеза́ми.

В День 73-й годовщины Великой Победы над фашизмом настоятель нашего Храма отец Виталий Косовский и прихожане приняли участие в торжественном шествии от станции метро "Арсенальная" к Площади Славы. Также, в этот день была совершена панихида - поминовение усопших воинов.

но гряде́тъ ча́съ, и ны́нѣ е́сть, егда́ и́стин­нiи покло́н­ницы покло́нят­ся Отцу́ ду́хомъ и и́стиною: и́бо Оте́цъ таковы́хъ и́щетъ покланя́ющихся ему́: (Ин. 4, 23)

Кано́н пра́здника Трио́ди (о рассла́бленном), глас 3: Тропарь: А́нгел у́бо Госпо́день, на вся́кое ле́то схожда́я,/ во́ду в купе́ли возмуща́ше, соверша́я здра́ва еди́наго то́чию:// Христо́с же мно́жество безчи́сленное Боже́ственным креще́нием спаса́ет.

На гроб Твой, Спа́се, мироно́сицы иду́щия,/ к себе́ недоумева́хуся умо́м, и веща́ху:/ кто нам ка́мень отвали́т гро́бный?/ И воззре́вша ви́дят, я́ко ка́мень отвале́н бе,/ зра́ку же а́нгелову со одея́нием дивля́хуся:/ содержи́ми же бя́ху тре́петом, и бежа́ти помышля́ху./ И к ним ю́ноша возопи́:/ не бо́йтеся вы, Его́же и́щете, воста́,/ прииди́те, ви́дите ме́сто, иде́же лежа́ше те́ло Иису́сово,/ и ско́ро ше́дшия возвести́те ученико́м:// Спас воскре́се от гро́ба. Икос Канона праздника Триоди 

Ученико́м сомня́щимся,/ во осмы́й день предста́ Спас, иде́же бя́ху со́брани,/ и мир дав, Фоме́ возопи́:/ прииди́ апо́столе,/ осяжи́ дла́ни, в ни́хже гво́здия вонзо́ша./ О до́брое неве́рие Фомино́,/ ве́рных сердца́ в позна́ние приведе́,// и со стра́хом возопи́: Госпо́дь мой и Бог мой, сла́ва Тебе́.
Стихиры Триоди, глас 1, самогла́сны.